Then you win

'

"First they ignore you, then they ridicule you, then they fight you, then you win."

Mahatma Gandhi

'

FREE WE ARE -- Glorious Feb11

'




February the 11th was indeed the best day in my life, and the 18 days of revolution starting from January 25 leading to that day were my most remarkable and emotional days in my life. I don't expect to live such a period, witness such events and experience such feelings again soon, if ever, in my life. History was written and I'm very glad I was part of it.


Hope is the greatest treasure we found and now everything has a meaning; I appreciate my life more, the food tastes better, the water acquired a sweet taste, even the air smells better; polluted and all but we'll fix everything .. It's the feeling that anything is possible, the spirit is high that we can touch the sky, we can do anything, we can make our country one of elite of the world .. it's hope that's driving us now.


There were hundreds of stories within this period that can be told later .. there were moments where victory seemed to me unlikely, but astonishingly the revolution was able to hold and finally conquer the regime.






'

صوت الحرية بينادى ...

'

'

الحلم بيتحقق ...

'





'

مهما حاصرتوا الميدان .. عمره ما يتحاصر

أيادى مصرية سمرا ليها فى التمييز
ممدودة وسط الزئير بتكسر البراويز
سطوع لصوت الجموع شوف مصر تحت الشمس
آن الآوان ترحلى يا دولة العواجيز

عواجيز شداد مسعورين أكلوا بلدنا أكل

ويشبهوا بعضهم نهم وخسة وشكل

طلع الشباب البديع قلبوا خريفها ربيع

وحققوا المعجزة صحوا القتيل م القتل

اقتلنى قتلى ما هيعيد دولتك تانى

بكتب بدمى حياة تانية لأوطانى

دمى ده ولا الربيع؟ الاتنين بلون أخضر

وببتسم من سعادتى ولا أحزانى

...
...

يا مصر قام العليل رجعتله أنفاسه

وباس جبين الوطن مال الوطن باسه

من قبل موته بيوم صحوه أولاده

إن كان سبب علته محبته لناسه

...
...

متخافش على مصر يا با مصر محروسة

حتى من الطغمة دى اللى فينا مدسوسة

ولو أنت أبوها بصحيح وخايف عليها قوى

تركتها ليه بدن بتنخره السوسة

...
...

لكن خلاص يا وطن صحيت جموع الخلق

قبضوا على الشمس بإيديهم وقالوا لأ

من المستحيل يفرطوا عقد الوطن تانى

والكدب تانى محال يلبس قناع الحق

...
...

يرجعلها صوتها مصر تعود ملامحها

تاخد مكانها القديم والكون يصالحها

عشرات السنين تسكنوا بالكدب فى عروقنا

والدنيا متقدمة ومصر مطرحها

كتبتوا أول سطور فى صفحة الثورة

وهما علما وخبرا مداورة ومناورة

وقعتوا فرعون هرب من قلب تمثاله

لكن جيوشه مازالوا بيحلموا ببكرة

صباح حقيقى ودرس جديد قوى فى الرفض

أتارى للشمس صوت وأتارى للأرض نبض

تانى معاكم رجعنا نحب كلمة مصر

تانى معاكم رجعنا نحب ضحكة بعض

مين كان يقول ابننا يطلع بنا م النفق

دى صرخة ولا غنا؟ وده دم ولا شفق؟

أتاريها حاجة بسيطة الثورة يا أخوانا

مين اللى شافها كده؟ مين أول اللى بدأ؟

...
...

لا الظلم هين يا ناس ولا الشباب قاصر

مهما حاصرتوا الميدان عمره ما يتحاصر

فكرتنى يا الميدان بزمان وسحر زمان

فكرتنى بأغلى أيام فى زمن ناصر

...
...

أولنا فى الجولة لسة جولة ورا جولة

ده سوس بينخر يا بويا فى جسد دولة

أيوه الملك صار كتابة إنما أبدا

لو غفلت عيننا لحظة حيقلبوا العملة

لكن خوفى مازال جوه الفؤاد يكبش

الخوف اللى ساكن شقوق القلب ومعشش

يقوللى مش راح يسيبه ولسه حيقبوا

وهيلاقولهم سكك وبيبان ما تتردش

وحاسبوا قوى م الديابة اللى فى وسطيكم

وإلا تبقى الخيانة منكم وفيكم

الضحك على البق بس الرك ع النيات

فيهم عدوين أشد من اللى حواليكم

الميدان -- عبد الرحمن الأبنودى